Felagið Kyn
Kyn er eitt politiskt og átrúnaðarligt óheft felag, ið bleiv stovnað í 2019 av Marini í Dali, lækna. Felagið bleiv skjótt ment saman við Bjørt Lind, sálarfrøðingi og sexologi, og Turið Hermannsdóttir.
Kyn hevur til endamál at gera seksualundirvísing á ein læknavísindaliga grundaðan hátt, fyri at betra um trivnað og seksuella heilsu millum føroysk ung.
Turið, Bjørt og Marin gjørdu saman undirvísingarskeið til seksualundirvísarar, og undirtøkan var góð. Í 2020 byrjaði Kyn sítt virksemi í Viku Sex, tá Kyn við átta seksualundirvísarum stóð fyri seksualundirvísing fyri øllum 1. árs miðnámsskúlanæmingum í Føroyum.
Fyrsta átakið var sera væleydnað sambært næmingum og fyriskiparanum. Síðani er felagið vaksið, og Kyn hevur endurtikið Viku Sex átakið árini 2021-2024.
Virksemi
Kyn hevur gjørt føroysk undirvísingartilfar, t.d. filmar, gjørt ymiskar kanningar á sosialum miðlum, hevur hildið almenn tiltøk og sett føroyska seksualundirvísing á breddan.
Rákið, ið Kyn hevur skapað, hevur ført við sær, at miðnámsskúlanæmingar í dag fáa kravda skipaða seksualundirvísing, og at námsætlan nú er í ger.
Umframt at hava seksualundirvísing á miðnámsskúlum, bjóðar Kyn eisini seksualundirvísing fyri øðrum skúlum, m.a. eftirskúlum og háskúlum og í ungdómshúsum og klubbum.
Í dag eru 15 virknir limir í Kyn. Allir hava lokið undirvísingarskeið, ið Kyn hevur staðið fyri í góðum samstarvi við Sex og Samfund (DK).
Nevndin í Kyn er mannað av sjey limum. Sí “nevndin í Kyn”.
Flestu undirvísarar eru millum 20-30 ár og við fakligari bakgrund innan m.a. læknavísind, sálarfrøði og námsfrøði.
Í 2024 kom Kyn á fíggjarlógina. Alt arbeiðið hjá Kyn er sjálvboðið.
Kyn nevndin 2024/25:
